Aizawl April 19, 2023 : Aizawl Traffic SP chuan thuchhuah siamin Rui chunga Lirthei khalh te chu The Motor Vehicle (Amendment) Act, 2019-in a sawi angin Rs. 10000 (Singkhat) chawi emaw thla ruk (a vawikhatna) atanga kum hnih (Bawhchhiat nawnin) thleng Lung In a tan emaw a hrem theih a ni a, an driving license thla 3 (thum) aia tlemlo suspend turin Supreme Court chuan a ti bawk.

The Mizoram Liquor (Prohibition) Act, 2019-ah pawh rui chunga lirthei khalh te chu kum hnih thleng Lung In tan emaw Rs 10000 (Singkhat) thleng chawi emawa hrem theih a nih thu tarlan a ni bawk. 

Supreme Court Committee on Road Safety chuan Order a tihchhuah ah State leh UT te hnenah thupek siamin rui chunga lirthei khalhte an driving license thla 3 (thum) aia tlemlo suspend zel turin a hriattir a ni. Rui chunga lirthei khalh man an awm chuan dan anga hmalak tur a ni a, pawisa chawi tir leh an driving license cancel tur a ni. 

A tul dan a zirin Court-ah thawn tur a ni a, Mipuite pawhin rui chunga lirthei khalh te Traffic Station-ah emaw a hnai ber Police Station-ah emaw report zel turin ngen an ni.