Aizawl August 3, 2023 : Ruihhlo vanga man, Lalengzauvi (47) d/o Rualkhuma, Lunglei Venglai chu F. Rohlupuia, Judge, Special Court of ND&PS Act, Lunglei District chuan thiamloh a chantirin kum 10 chhung  tang turin a ti a, Rs Nuai 1 chawi turin a ti bawk.

Lalengzauvi hi kum 2021, March ni 18 chawhma dar 10:30 khan Excise & Narcotics Department Officer, Asst. Sub-Inspector C. Lalneihthangi chuan Lalengzauvi chu heroin gram 331.500 (Hawng 24) a lo kawl avangin ama dawr nghah lai, Lunglei Venglai-ah a man a.

He Case hi F. Rohlupuia, Judge, Special Court (NDPS Act), Lunglei District Court-ah ngaihtuah a ni a. Prosecution lam atangin witness 4 exam an ni a, Defence lam atangin witness 2 exam an ni thung.

Court dan anga thuhretu hrang hrang te thusawi leh finfiahna hrang hrangte enfiah a nih hnuah Judge, Special Court (NDPS Act), Lunglei District chuan August ni 2, 2023 khan thiamloh chantirin, August ni 3, 2023 (Ningani) khan court chuan thiam loh chan avanga he a hremna (Sentence) a puang ta a ni. Court chuan ruihhlo neitu – Lalengzauvi d/o Rualkhuma, Lunglei Venglai hi Section 21 (c) of NDPS Act 1985 hnuaiah thiamloh chantirin rim taka kum 10 chhung Jail tang tur leh pawisa 1,00,000 (Nuai Khat) chawi turin a ti a. Pawisa chawi tur hi a neih loh chuan Kum 1 dang jail tang belh leh turin a ti a ni.

Misualte an phu tawk anga hrem an nih theihna atana tha leh zung leh ngaihtuahna senga Prosecution Witness-a ding, Lunglei Venglai YMA hruaitute chungah Excise & Narcotics Department chuan lawmthu a sawi a ni.