ZALEN December 30, 2025: Excise & Narcotics Department chuan December ni 29, 2025 (Thawhtanni) khan Commissioner of Excise & Narcotics Z. Lalhmangaiha hovin kumin, 2025 chhunga Department hnathawh thlirletna, Crime Review Meeting an nei. He Crime Review meeting-ah hian kum 2025 chhunga zu leh ruihhlo an man dan te an thlir ho. 

September thla atanga Mizoram Sawrkarin Operation Jericho hming chawia Ruihhlo dona beihpui a thlak avangin Mizorama ruihhlo lo lut a tlem phah hle. Chutih rualin ruihhlo vanga thihna a pung thung. Nikum, 2024-ah ruihhlo vanga thi zat chu 67 (Mipa 58, Hmeichhia 9) a nih lain kumin, 2025-ah December ni 30 thlengin mi 111 (Mipa 93, Hmeichhia 18) an tling tawh a ni.

Krismas vuakvet lain Mizoram hmun hrang hrangah zu leh ruihhlo avanga buaina lian tham chhuak a awm lo va. Tlawmngai pawl leh mipuiten dan kengkawhtute tha taka an tawiawm avangin Excise & Narcotics Department chuan lawmthu a sawi.

Kum 2025 chhunga zu leh ruihhlo man tawh dan chu hetiang hi a ni:

Rakzu - litre 69,983.000 

Zu bilh lai - Tin 1,38,588 

Zu siamna bungbel - 2,902 

Dawidim - Kg 278.940 

IMFL - litre 20,938.315 

Beer - litre 23,272.370 

FML - litre 144.390 

BEDC - litre 3,054.570 

SOJU - litre 413.280 

Heroin - Kg 45.318

Ganja - Kg 226.607

Opium - Kg 1.193

Cough Syrup - phial 9,466

Alprazolam - tablet 34,300

Nitrazepam - tablet 9,429

Tramadol - tablet 6,390

Methamphetamine - Kg 298.973

Crystal Meth - Kg 48.061

Zu leh ruihhlo vanga dan bawhchhia mi 7,313 manin lirthei 126 man a ni bawk.