Aizawl March 22, 2023 : Social Welfare & Tribal Affairs Minister Er. Lalrinawma hovin “Working Committee on Ruihhlo Do” chu vawiin khan SAD Conference Hall, MINECO ah an thukhawm. Ruihhlo dona kawnga tha thawh nasa te hman tur cheng Vaibelchhe 3 sem zai dan tur an rel.

Hun kaihruaitu Working Committee on Ruihhlo Do Chairman Er. Lalrinawma chuan member te ruihhlo dona kawnga an thawhrimna leh inpekna chu ropui a tih thu a sawi a, theihtawp chhuah zel a tul a ti. Ruihhlo do kawngah tanrual a ngai tih sawiin an hmalaknate theihtawp chhuah a tawiawm zel turin mipuite leh pawl hrang hrangte a sawm.

Mizorama ruihhlo dona kawnga tha thawh nasa tlawmngai pawl te leh sawrkar department te hman tur cheng Vaibelchhe 3 chu Mizoram sawrkarin Core Committee on Ruihhlo Do hnen ah a pe a, Working Committee hian a sem zai dan tur a rel a ni. Hun remchangah Core Committee on Ruihhlo Do Chairman Chief Minister Zoramthanga ho a sem chhuah nise an ti..

He hunah hian SW&TA Director Zodingpuii, IAS, Mizoram Police, Excise & Narcotic, CID, CYMA, MSACS, MZP, MSU aiawh an tel a ni.