ZALEN January 19, 2025 : Excise & Narcotics department (END) chuan kum 2024 chhung khan ruihhlo leh zu kaihhnawihah ram dang mi (foreigner) 48 man an nei a. Hetihlai hian 2024 chhung khan zu litre 59,694.420 leh sapzu (IMFL) um 31,284 an man a, heroin kg 46.680 an man.

END-in kum 2024 chhunga zu an mante chu rakzu litre (lt) 59,694.420, Myanmar zu (BEDC) lt. 3,662.400 leh sapzu um 29,856-te a ni a, sapzu te chu ml. 750 um 13,578, ml. 375 um 6,101 leh 180 ml. um 11,605 te a ni.

Zu bilh lai tin 1,08,411, dawidim kg. 188 leh bungbel 608 an man a, beer um 298 leh bur 21,902 bakah, foreign wine um 15, fruit wine lt. 55,181.300 an man a. Zu leh beer kaihhnawihah hian lirthei chi hrang hrang 142 an man bawk.

END chuan sawrkar kum liam ta 2024 chhung khan heroin kg. 46.680 an man a, Methamphetamine kg. 140.839, ganja kg. 578.592, khuh damdawi (cough syrup) kg. 615.130 leh ruih theih thil dang eng emaw zat an man bawk.

Nikum 2024 chhung khan END chuan Rs 2,37,03,744.00 an hmu a, chungte chu, foreign liquor & spirit atangin Rs. 1,86,89,504.00, fines & confiscation atangin Rs. 49,69,240.00 leh hmuhna dang (other receipt) atangin Rs. 45,000.00 te a ni.

END mi man zat leh thubuai       :   2024

NDPS Act 1985 hnuaia mi man zat   :   739

NDPS Act hnuaia thubuai ziah luh   :   543

MLP Act, 2019 hnuaia mi man zat   :   5,587

MLP Act hnuaia thubuai ziah luh   :   6,211

ME Act, 1973 hnuaia mi man zat   :   526

ME Act, 1973 hnuaia thubuai ziah luh   :   525