October 16, 2023; Nikum khan Mizoramah ruihhlo vanga thi mi 43 an awm a, chumi aia tam daih chu kuminah ruihhlo thihpui an awm tawh.

Excise & Narcotics department chhinchhiah danin kuminah October 16 thleng khan ruihhlo vanga thi mi 58 an awm tawh a, chungte chu mipa 47 leh hmeichhia 11 niin, heroin hmang sual an ni.

Hetihlai hian nikum kumtluan khan Mizoramah ruihhlo vanga thi mi 43, mipa 39 leh hmeichhia pali an awm a, kuminah ruihhlo vanga thi hmeichhia an pung.

Excise department chuan kum 1984 atang khan ruihhlo hman sual vanga thi hi chhinchhiahin tun thlengin mi 1,794 an thi tawh a, damdawi hman sual avanga thite zingah hian proxyvon vanga thi mi 1,161 awmin heroin vanga thi 233 an awm bawk a ni.