August 9, 2023; Mizoramah nikum a ruihhlo vanga thi zat aiin kumin a ruihhlo thihpui an tam tawh zawk.

Excise & Narcotics Department (END)  tarlan danin, nikum chhung khan ruihhlo vanga thi mipa 39 leh hmeichhe 4, an vaiin mi 43 an awm a, chumi zat aia tam chu kumin August ni 7 thleng khan ruihhlo vanga thi an awm tawh.

Kumin a ruihhlo vanga thi te hi mipa 36 leh hmeichhia 8, an vaiin mi 44 an ni a, an vaiin heroin kaihhnawih vanga thi vek an ni.

Kum 1984 atanga kumin August ni 7 thleng khan Mizoram ah ruihhlo vanga thi mi 1,780 an awm tawh a, chung zinga mi 1,567 te chu mipa niin, midang 213 te chu hmeichhia an ni.