ZALEN May 18, 2026: Kolasib Venglai East Branch YMA chu an veng huamchhunga cheng ruihlo zuar thin Lalchhuankimi W/o Lalruatkima (L) chuan court-ah a khing a, Kolasib Venglai East Branch chuan hei hi an ngai thutak hle a, 15.05.2026 khan Executive Committee an nei a, YMA thuchhuah zah lova an area-a an awm lui a nih chuan a tul anga hmalak chhunzawm tur thu thuchhuah an siamah an tarlang.

Kolasib Venglai East Branch YMA chuan ruihhlo do na kawngah theih tawp an chhuah thin a, veng then thianghlim mam Kumpuan Sub-Committee te an din a, Lalchhuankimi te chhungkua hiaan an hmalakna zah lovin ruihhloi an zuar a, 2020 hmalama Venglai East Branch din hma atangin a ni hi buaipui tawh an ni an ti. Vawi tam tak man tawk tawh an nih avangin Branch YMA in an ensan a, an ruihhlo zawrh hi an siam phah chuang lo, an chhungkua hi nu valai pakhat leh thalai pathum niin hnathawk thei vek an ni an ti.

Ensan an nih hnuah man an tawh leh avangin Venglai East atanga chhuak tura tih an ni leh a, hei hi zawm lovin Branch huam chhungah an awm lui a, hei vang hian an Branch YMA chuan vengchhunga an awm chhung chu an tu leh fate thlengin ngaihdamna awm lovin an ensan a ni.

Hemi hnu hian Lalchhuankimi fapa Hmangaihsanga chu Sub Headquarter YMA chuan 28/2/2026 khan Rengtetlangsang Saidaitheu ramah zu zem 2 leh thlawr sa Litre 30 an man leh a, ani hian Home-a awm turin an intiam a, mahse, a tlan bo a, Branch YMA-in Lalchhuankim hi a fapa awmna a zawhin a hriat loh thu in a chhang a. A intiam anga a awm loh avangin Venglai East huam chhunga inlan tawh lo turin tih a ni a. Branch YMA thuchhuak an zawm mai tura ngaih a nih laiin court-ah Lalchhuankimi hian Venglai East Branch YMA hi an khing zui ta zawk a ni.