ZALEN March 1, 2026: Central YMA President R. Lalngheta chuan, “Ruihhlo zuartute hi kan dim tur a ni lo, an sum leh pai, an neihte hi kan it tur a ni lo, kan thalaite hraihlumtu, chhungkua tithen darh a, chhungkua tihrehawmtu ruihhlo zuartute hi i ngaisang lo ang u,” a ti.

Zirtawpni zan khan Lengpui YMA Hall-ah Lengpui YMA buatsaihin YMA kumpuan ‘Ruihhlo do’ hawnna hun hman a ni a, he hun hawngtu, Central YMA president chuan, “Ruihhlo ngaite hian suamhmang an tawk a, anni ho hi enkawl a, bualfai a ei tur pe turin kan zavai hian kan tanrual a ngai a ni,” a ti a. 

YMA hruaitute chu ruihhlo laka fihlim tura chahin, “YMA hruaitute hi kan kut a fai a ngai, hluihlawn thil la tur kan ni lo. Tunlai hian ganja a tam em em a, naupang tete-in an ti a, hei hian a aia tha lo a hring chhuak dawn. Kan ram hi chhan theih, chhan tlak a la awm a, Kohhran leh YMA-te tangho ila, theihtawp i chhuah tlang ang u,” tiin kal khawmte a chah bawk.