April 16, 2024; Rukruk thubuai hrang hrang pariat (8) nei Vohbik Malsawmdawngzela chu police ten an man a, thu zawhfiah mek zel a ni.

Police thuchhuah tarlan danin, April ni 12, 2024 khan rukruk thubuai a rinhlelh thil-ah Vohbik Malsawmdawngzela (23) s/o Lalrintluanga, Darlung, Zemabawk a khawsa mek nia insawi chu man a ni a, thu an zawhfiahna atangin Aizawl khawpui chhung police station hrang hrangah rukruk thubuai hlir 8 a lo nei tih hriat chhuah a ni.

Thubuai a neihna hrang hrangte hi rukruk thubuai vek niin, Aizawl PS ah thubuai 2, Bawngkawn PS ah thubuai 5 leh Kulikawn PS ah thubuai 1 a nei.

Vohbika hi police ten kawlin thu an la zawtfiah mek zel nia thudawn a ni.

Police te'n a kut atangin ram hrang hrang pawisa leh a thil ruk ni ngei a hriat bungraw thenkhat an man tel.