ZALEN August 23, 2026 : Zoramthara (30) Zawngin khua chu khuavang rulin a chuk vangin tukin zing dar 8:10 ah khan a thi.

Zawngin YMA hruaitute atanga ZALEN thu dawn danin, Zoramthara leh a thianpa chu niminah Suangpuilawnah an kal a. An haw lamah kawngpuiah rul hi an chil palh a.

Zoramthara chuan rul chu a thi tawh emaw tiin, kawngpui sira dah sawn a tum chu a kutzungpuiah a chuk a ni.

Zoramthara hi Suangpuilawn Damdawi inah an kalpui nghal a, insawiselna a neih loh avangin inah an haw leh a. Nizan zanlaiah khan na a tih deuh avangin Civil Hospital Aizawl an panpui leh a, tukin zingah a thi ta a ni.

Zoramthara hi Zawngin tlangval tlawmngai tak a ni a, thingzai thiam tak niin khawtlang mipui pawhin an chawr thu YMA hruaitute chuan an sawi. A ruang hi Zawngin khua panpui mek a ni.