ZALEN August 07, 2026 : Rulchawm khawchhunga pawl hrang hrang hruaitute July ni 28, 2026-a Joint Meeting chuan an khawchhung mipuite himna atan leh dan bawhchhia an awm lohnan inkaihhruaina an siam.

Hnamdang (vai) ILP neilo leh an ILP felfai lova kan khawchhunga lo kal te an man a nih chuan, an ILP tihfel hun atan kar khat chhung hun pek a, ILP neilo leh ILP felfai lote chu an ILP felfai hma chuan Rs.1,000/- an dahkham tur a ni, an ti.

Hun tiam chhunga ILP felfai an neih hman chuan Rs.1,000/- hi an la let leh thei ang, tiin, an dahkham te hi receipt felfai tak pek ṭhin a ni dawn tih an sawi.

Hnamdang leh ramdang mi tu pawh Bazarah an inzawrh leh lakkhawm (thirchhe zawn etc) phalsak an ni a, Inah leh khawlaia kal kuala an inzawrh leh lakkhawm erawh an remti lo a. Hnamdang leh ramdang mi tu pawh khawchhunga thil zuar emaw lakhawm emaw an awm a nih chuan Rs.500/- an chawi zel ang, an ti bawk.