Lucknow Super Giants chuan run 20-in Punjab Kings an hneh a, Zirtawpni zan inkhelha an run hmuhchhuah hi Indian Premier League chanchina an run vuak chhuah tlem ber tum a la ni. 

    Maharashtra Cricket Association Stadium-a inkhelah hian toss-a chak zawk Punjab Kings-in an vawm hmasa a. Lucknow Super Giants opener Quinton de Kock chuan ball 37 atangin run 46 a vaw chhuak a, Deepak Hooda pawhin run 34 siam ve bawkin LSG lam hian over 20 chhungin run 153 siam theiin mi 8 an out. 

    Punjab Kings tan target huphurhawm a ni hran lo. Mahse, LSG lam tan pacer Mohsin Khan rawn che chhuakin reiloteah wicket pathum a rawn la der mai, Krunal Pandya pawh a chetha a, ball 11 a vawmah mi pahnih a vawm hlum thei bawk. 

    Punjab tan Mayank Agarwal chuan run 25 a siam a,  Jonny Bairstow-a’n run 32 a siam bawk. Mahse, Punjab lam hian run 133 chiah vaw chhuak theiin run 20-in LSG lakah hian an tlawm ta a ni.