ZALEN May 28, 2026 : Mizoram Sawrkarin tun hnaia a dah ngheh RUSA Assistant Professor-te chuan sawrkarin an nghehna tura thutlukna a siam ta chu lawmawm an ti. 

RUSA Assistant Professor te chuan, "A bik takin Chief Minister Lalduhoma; Higher & Technical Education Minister Dr. Vanlalthlana leh DP&AR Minister K. Sapdanga te chungah thinlung takin lawmthu kan sawi a. Council of Ministers-te, kan dinhmun dik tak kan chan theih nana huaisen taka Cabinet Meeting-a kan chungchang min tihfelsak avangin lawmthu kan sawi tak meuh meuh a ni," an ti"

"RUSA Assistant Professor-te hi UGC Regulation 2018 hmanga MPSC-in Open Advertisement kal tlanga dan dik taka a nghet tura kum 2019-a a lakte kan ni a. Hun rei tak chhung kan chanvo tur kan chan theih loh hnuah, tun sawrkarin kan chanvo dik tak min pe tura thutlukna a siam ta hi kan lawm takzet a ni," an ti bawk.