DOWNLOAD OUR APP

Read latest news on your phone
app-store
Russian nu, fa 10 nei tling chin te chu Vladimir Putin-a'n sum hmangin a vauh dawn
Aug 29, 2022

Mosco Times sawi danin, Russian President Vladimir Putin chuan Soviet hotupa thin Joseph Stalin a lo kalpui tawh thin ang chu thar thawh lehin an ram nu ho chu fa nei tam turin a fuih.   

Russian President Vladimir Putin chuan, nu fa 10 aia tam nei chu sum thahnem tak pek a tiam a, Russia rama mihring tlem zel chu veiin Ukraine nen an indonaah sipai thahnem tak an chan bawk nen nau piang tam zawk an mamawh tih hriain hetiang thutlukna hi a siam leh phah ta a ni. 

Fa 10 aia tam nei ten an fate thi lo va an chawm sei-lian thei a nih ngat chuan £13,500 pek a tiam a, a thu chhuah ngaipawimawh a, zawm tute chu ruble maktaduai khat (₹13,12,000) pek an nih tur thu a sawi hmiah mai. 

Dr Jenny Mathers, Russian politics leh security specialist chuan Time Radio broadcaster Henry Bonsu hnenah, Russian nu ho tana lawmman an siam thar chu Mother Heroine tia koh an ni tur thu a sawi bawk. Chutiang fa ngah chuan Putin-a duhsakna dawngin sum thahnem tak an lalut thei dawn a ni. Dr Mathers-a sawi dan chuan, Putin-a chuan fa ngah leh chhungkaw lian tak din tute chu ram hmangaihtu anni a ti hmiah bawk. 

Mr Bonsu chuan, an President thu chhuak vang chuan nu tam takin ram hmangaihna nei tharin fa pawh neih belh a, chhungkaw lian zawk din an duh ngeiin a ring.  

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh