Aizawl July 3, 2024 : Vawiin khan AH&Veterinary Minister C. Lalsawivunga chuan Hnahthial-a DVO leh Thenzawl a Sial Farm a tlawh a, Party hruaitu, khawtlang hruaitu leh Department staff-te nen inkawmhona hun an hmang.

Minister C. Lalsawivunga chuan, "AH&Veterinary department hi mipui nen kan in hne reng a, department pawimawh tak a nih avangin a thawktute pawh kan inthlahdah thiang lo a ni. Mipuite mamawhnaah keini chuan a hmunah kal chilhin an harsatnate kan zir chianpui thin a, kan theih tawp kan chhuah a, kan beingawrh hle a ni," a ti. "Sa thianghlim leh tuihnai hnianghnar taka mipuite hnena chhawp chhuah hi a pawimawh hle a, chu chuan kan hriselna thlengin a nghawng tlat a ni," a ti.

Sawia chuan, "Mizote hi ranvulh uar tak hnam kan ni a, kan chemkalna tak ni pawhin a lang, chuvangin ranvulh kawngah tan kan lak angai a, tin a chaw siam kawngah te pawh state dang atanga lakluh ngai lova kan ram chhung ngei atanga ranchawa intodelh dan kan ngaihtuah a tul hle a ni. Khawvel thang zelah ranvulh hi eizawnna tha tak leh ngialnghet tak mai a ni a, kan thalaite pawhin mumal zawka ranvulh dan ngaihtuahin eizawnna tlak a ni tih hria se ka duh hle a, ZPM Sawrkarna hnuaiah hian ranvulhtuten hma an sawn theihna tur kan ngaihtuah zel dawn a ni, " a ti bawk.