ZALEN Oct. 30, 2025 : Dan lova tawlhruk - sava (exotic bird), Mizorama man - Aizawl Sahuan-a nikum February thlaa dah - pesquet’s parrot- an tih chu rukbo a ni tih tun thla ni 29 zing dar 8:35 khan hriat chhuah a ni a. October ni 28, 2025 tlai dar 4 leh October ni 29, 2025 zing dar 7 inkar vela bo nia hriat a ni. 

Dy. Conservator of Forests, Aizawl Wildlife Division chuan he thil thleng chungchangah hian Sairang Police Station-ah FIR thehluh a nih tawh thu sawiin, Wildlife Crime Control Bureau (WCCB), Kolkatta pawh hriattir nghal an nih thu an sawi. 

He thil thlengah hian thawktute inhnamhnawih awm palh theih a nih avangin department chhungah pawh an inchhui zui mek niin department hotute chuan an sawi a. Pawikhawihtu man chhuah an nih theihna tura pui theitu hnenah dan-in a phal angin lawmman Rs. Sing 2 pek an nih tur thu an sawi bawk.