DOWNLOAD OUR APP

Read latest news on your phone
app-store

SAHUAN DINHMUN: THAWKTU DAH BELH A TUL

Nov 29, 2022

Mizoram-a Sahuan kan neih chhun Sakawrtuichhun rama awm Aizawl Zoological Park-ah ramsa enkawltu tur bik Animal Feeder 3 chauh an awm avangin hna dang thawk atangin ramsa enkawl tur siamrem thin a ni a, thawktu an indaihlo hle nia thudawn a ni.

November 29, 2022; Mizoram-a Sahuan kan neih chhun Sakawrtuichhun rama awm Aizawl Zoological Park-ah ramsa enkawltu tur bik Animal Feeder 3 chauh an awm avangin hna dang thawk atangin ramsa enkawl tur siamrem thin a ni a, thawktu an indaihlo hle nia thudawn a ni.

ZALEN thudawn danin, Aizawl Sahuan chu mipui ten an hlut chhoin, tlawhtu pawh an thahnem zel a, tunhnai ah dan phal loh a foreign ramsa tawlh ruk an man te pawh district court thupek angin enge maw zat dah luh an lo ni tawh a, Sahuana ramsa lo awmsa te nen tunah hian thawktuten theihtawp chhuahin an enkawl mek a ni.

Aizawl Sahuan hi a hmun-ah Range Officer pakhatin thutchilhin a enkawl a, a hnuaiah thawktu chi hrang hrang LDC-1, Animal Feeder-3, Watch Security 4, Ward staff Cleaner 4, Plantation mali 2, FG-2  i/c Ticket Counter duty leh FG  i/c Store keeper, Peon 1, Chowkider 1, an vaiin thawktu 20 an awm mek a, anni bakah hian Vety Dispensary lamah AH&Vety department atangin Veterinary Officer 1 leh Vety Field Assistant 1 an awm mek a, VO hi AH&Vety department atangin attached niin kar khatah ni hnih Sahuan ah duty in a kal thin.

Sahuan enkawlna kalphung pangngaiah ramsa enkawltu tur chu Animal Feeder te an ni a, Animal Feeder 3 chauh an awm avangin anni pathum tan ramsa 500 chuang enkawl ngaihna awm lo a, hemi vang hian hnadang thawk atangin ramsa enkawl turte hi siam rem an ni.

Sahuan hi sawrkar office chawlh (Government Holiday) ah pawh hawn thin anih avangin a thawktute chu an chawl thei chuang lo a, Pathianni bikah pawh ramsa enkawltu bik te chuan Sachaw pek a ngaih tho avangin an chawl tak tak thei chuang lo bawk. 

Hetiang hi an an hnathawh dan anih avangin Sahuan-a thawktute hi special allowance pek an phu hle niin ZALEN chuan a hmu a. Ramsa damlo enkawl ngai an awm pawhin a kah mutna tur (silai) tharte pawh an mamawh hle a, hengte hi thuneituten ngaihtuah sak thuai atan a duhawm hle niin ZALEN chuan a hmu bawk.

Share now