ZALEN October 16, 2025: India sawrkar hnuaia infiamna lama training-na hmun enkawltu Sports Authority of India (SAI) hnuaia All India Inter -SAI Women (U-16) Hockey Championship 2025 Bangalore a neih zawh taka champion Mizoram Hockey State Training Centre, Thenzawl te champion lawmna chu vawiin khan neih a ni.

Directorate of Sports & Youth Services chuan vawiin khan Sports & Youth Services Conference Hall-ah lawmna hun a buatsaih sak a. Mizoram atanga SAI team kal te hi naupang 15 bakah an Coach Dipender Malik leh Manager Lalzawnchhungi te an ni a.

SAI Women (U-16) Hockey Championship 2025 champion Mizoram team atang hian ASMITA KHELO INDIA LEAQUE buatsaih November 4, 2025 atanga khelh tan turah hian Mizoram Hockey State Training Centre, Thenzawl Hockey players atangin SAI SAKTI team a tel turin Mizoram atangin heng mite hi thlan an ni.

1. Laldinpuii - Durtlang

2. K.Vanlalpeki - Durtlang

3. Manglawmsang – Durtlang

4. Rochanhlui - Durtlang

5. Remruatpuii - Kolasib