ZALEN December 20, 2025: Tukin zing dar 02.17 vel bawr khan Jamunamukh - Kampur section, Lumding Division of N.F. Railway, Train no. 20507 DN, Sairang atanga New Delhi pantu Rajdhani Express chuan Assam Hojai District-ah Sai rual kawng kan su-in a chesual a, Sai hi pasarih an thi a, pakhat a hliam bawk. Rel-a chuang khualzin thi leh hliam an awm hriat a ni rih lo. He thil thleng vang hian a khalhtu hian emergency brake a pawt a ni.

He chetsualna avang hian Sairang atanga New Delhi pantu Rajdhani Express coach panga hian rail kawng a zawh pelh a, Accident Relief trains leh divisional HQ te hi chetsualna hmunah an thleng nghal tih Northeast Frontier Railway Chief Public Relations Officer Kapinjal Kishore Sharma chuan a sawi, tih thulakna chuan a tarlang.

Railway thuneitute chuan Jamunamukh Kampur section hmuna rel tlan dan tur ruahmanna chu he chetsualna avang hian a khailak phah tih an sawi a. Siamthat hna hi thawh nghal ni mah se, hemi paltlang tur rel kal tur te chu UP line lamah kal tir rih a ni.