ZALEN November 22, 2025: Director of Agriculture an Farmers Welfare Department, Field Management Committee (FMC), Multipurpose Primary Agriculture Credit Society (MPAC) leh Vaphai VC buatsaihin vawiin khan Saikhumphai zawl (Tiau kam) ah Vaimim seng runpui programme buatsaih a ni a. Agriculture and Farmers Welfare Department Director R. Lalnunzira chu Khuallian a ni. 

Khuallian R. Lalnunzira Director of Agriculture and Farmers Welfare Department chuan, "Kan ram ah hian buh thar theihna a tlem hle a, 4% vel bak buh thar theihna kan neih loh avangin buh thar tam lamah tan la turin kalkhawm te chu a fuih a, Silchar kawng chhe hlek se pawisa ngah tak chunga ei tur neilo thei dinhmunah kan din avangin nasa leh zual a, buh thar tam lamah hmasawn a tul," a ti. Buh mai bakah fu leh thlai lamah pawh intodelh a tul thu sawiin, kut hnathawk tute chu taima leh zuala tan la zel turin a chah a, Department lam chuan mi taima te chu a tanpui a hrehloh thu leh an in hawn reng dawn thu a sawi a ni.

Saikhuamphai ah hian kum 2021 atang khan vaimim hi ching tanin a tirah chuan Society anga hmalak a ni a, vaimin in a ram a ngeih avang leh a hralhna lama buaina an neih loh avangin mimal in an ching ta ni. Kumin hian quintal 2000 chuang thar thei tura ngaih an niin Mimal angin Vanlalfawna chuan ching hnem berin kumin hian tin 1500 vel thar turin a in beisei a ni. Vaimin hi a hmunah tin khat 300 in an hralh chhuak a, ran chaw ah leh ar chaw atan an hralh hnem ber a ni. 

Vaphai leh a chhehvel ah hian Vaimim mai bakah Nihawichi hmun thenkhatah chin a ni a, Agriculture Department in Nihawichi tha NMEOOS Scheme atangin quintlal hnih leh a chanve pe tawh in, chin belh zel tumin tunah hian hmalak mek a ni a, Cooperation Department in MPACS Vaphai hnenah a hriak sawrna khawl pe tawh in tunah hian a hriak sawr theih in peihfel a ni tawh a ni.

He hunah huan FMC Chairman PC Lalnghakliana hnen atangin hmalakna hrang hrang ngaihthlak a ni a, F. Lalmalsawma DAO, Champhai chuan Vapahai khua chu ngaisak tlak khawpa taima an nih thu sawiin Department pawhin an ngaihpawimawh thu a sawiin Lalchhanhima DCO chuan vaimim ching tute hnenah silpauline hlanna a nei a ni.