October 30, 2023; Dampa bial ZPM candidate, Vanlalsailova'n affidavit a a tarlan danin, MLA chuh turin a sum dinhmun a chhe lo.

Vanlalsailova hian khawih chet theih (moveable assets) pawisa, lirthei, tlereuh etc. Rs. 59,44,737 hu a nei a, khawih chet theih loh (Immoveable assets) ram, in etc. erawh ama hming a neih a nei lo.

Hetihlai hian Sailova an unau zinga mipa awmchhun a nih vangin, rochun tur in leh lo bakah thil hlu dang a nei ngei ang tih a rinawm.

DAMPA SAVAWM' tih vang ringawt pawhin Sailova dinna tur, Dampa bial hi mi mit fukna a ni a, Zofate hriat hlawh Sailova dinna a nih bawk avangin bial 'hot' ber pawl a ni lo thei lo. INC candidate pawh bial chhung mi a nih avangin, bial vawng mektu MNF candidate tan chak theih a ni dawn em ?

Inthlan hmasa thlirin, Mizoram State BJP president Vanlalhmuaka pawh a buk rit dawn tih a hriat theih a, Central sawrkar a BJP hruaitute'n Mamit district chhung an tlawh ngun dan leh an vil uluk dan thlirin BJP candidate hi tling lo tur a 'dah that' ngawt theih a ni bik lo ang.