October 20, 2023; "Ka goal leh vision-ah ka chiang,” ti a, ram tana thawk tura a chhunga luh a ṭul thu leh a chhung atanga thawk tura ZPM a zawm tih lo sawi tawh tu Sailova'n Dampa bial a ding turin nimin khan a hming a pe lut.

Tunge a nih inzawh a ngai lo a, music tui lem lote pawhin a hming leh amah an hrechiang! Politics a luhchilh ta pawh hi tun thlengin uitu an la tam a, fakna hla sa a, crusade leh camping lam a kal tura duh tu pawh an la tam. Heng te avang hian politics a a lut thawm pawh a ring hle a nih kha.

Kumin March ni 16 zan khan Sailova hian ZPM a zawm a, a zan la lain Zoram a deng chhuak nghal tih theih a ni. A duhna berah a luh avangin, am tana theihtawp chhuah a tum thu a lo sawi tawh.

A khaw chhuahna Dampa bial a ding turin nimin khan nomimation a file a, he bialah hian Lalrintluanga Sailo MNF, INC atangin Dampa bial mi leh sa tho Lalhmingthanga Sailo leh BJP atangin buk rit rak tur, Mizoram state BJP President Vanlalhmuaka te nen an inkhing dawn a ni.