March 15, 2023; Mizo zaithiam zing a 'a ber' tih ngam lengzem khawvel atanga bul tan, tun a fak hla sa a rawngbawlna zau tak kalpui mektu Vanlalsailova chu zanin khan ZPM Dawrpui Unit ah membership fee a pe.

ZALEN thudawn danin, Vanlalsailova hi zanin khan Pu Liantuala te In, Dawrpui Jail veng ah membership fee pein lawmluh a ni a, headquarters lam ruahmanna in lawmluhna lian tham zawk buatsaih a la ni ang.

Vanlalsailova chungchangah hian tunhnai ah sawi a tam hle a, a pian leh seilenna tlangdung Dampa bial ah ZPM ticket in a ding dawn tih sawi a tam a, tun dinhmunah khawi bial ah nge a din dawn tih engmah sawi chian theih la awm lo mah se, khawi bial emaw berah chuan ZPM MLA candidate a nih ngei erawh a rinawm.

Politics a a hma hunah duhsaktu tam tak, ramchhung leh rampawn thlengin an tam dawn a, chutihrual chuan politics a tel tur atana uitu, rawngbawlna kawnga zau zawk a inhmang zel tur a duhtu pawh an tam ang, 'SAILOVA A NI MIAU A'