ZALEN April 27, 2026: Mizoram Transport Wokers' Association Genral Headquarters, Aizawl chuan ni April 25, 2026 (Inrinni) tlai lama Rel Station atanga Aizawl rawn pan tur Department Bus Driver nunna atana hlauhawm khawp leh Sawrkar Bus hal tum a ni chu hriatthiam har an tih thu thuchhuah an siamah an tarlang.

Mizoram Transport Wokers' Association chuan, September ni 13, 2025-a Sairang Rel Station hawn a nih atang khan Transport Department chuan mipui rawngbawltu Department an nih ang takin man tlawm zawk a mipui nawlpuite'n Sairang Rel Station an kal theihna atan MST Bus a service 'tir thin a ni. Mipuite pawhin an chhawr tangkai hle a, Bus-in a phurh sen loh passenger hi an awm reng a ni, an ti. 

Hetianga mipui tana tluang taka MST Bus a service laiin ni 25 April, 2026 (Inrinni) tlai lama Rel Station atanga Aizawl rawn pan tur Department Bus Driver nunna atana hlauhawm khawp leh Sorkar Bus hal tum hial khawpa vauna an tawk chu a vanduai thlak an ti a. Hemi chungchang ngaihtuah vawiin khanMizoram Transport Workers' Association chuan emergency committee an ko a ni.

Committee chuan He thil thleng hi a ngaihtuah a, tun hnu ah hetiang thil hi thleng nawn tawh lo se an duh a. Transport Department-in mipui zin veivak te tana chhun leh zan pawh sawi lova theihtawp a chhuah lai a, mahni hamthatna tur/pumpui hma chauh ngaihtuah tute ațanga vauna an tawk hi vanduaithlak an ti.

Sawrkar bungrua hala vau a, a hnathawkte vautu te hi thuneitute'n zawn chhuah sak tur leh an phutawk ang hremna pek anih ngei theihna atan a tul anga hma min laksak turin an ngen a. Sawrkar in mipuite tana Rel Station-a MST Bus te a service tir zel dawn anih chuan Bus Ich Driver/Conductor te himna tur ngaihtuahsak turin an ngen bawk a ni.