ZALEN December 30, 2025: Mizoram sawrkar Tourism Department in kum tina tih tawh tura an rel angin naktuk tlai hian 'Sakawrhmuituai Sunset View' huaihawt a ni dawn a, dar 12:00-6:00 chhung one way-in siam a ni a, Kawnpui aṭanga Aizawl pan turte hun ruat bik chhung Sairang lama kal tura ruahman a ni e.

Tourism Department buatsaih ‘Sakawrhmuituai sunset view’ neih turah Mipui pungkhawm tam tura beisei a nih avangin Health & Family Welfare Department atangin medical duty leh police atangin security duty awm tura ruahman a ni. Traffic chungchangah pawh SP, Traffic leh SP, Kolasib te nen tangkawpa ruahmanna mumal tak siam a ni.

Sakawrhmuituai Sunset programme pual hian security ah volunteer 130 vel an duty dawn a, traffic duty ah mi 70 vel leh, chetsualna thlen thulha che chhuak thei tur response team atan mi 20 vel ruat a training pek an ni.