October 4, 2023; Central YMA chuan inthlan lo awm tur chungchangah thuchhuah siamin, Mizo hnahthlak zingah sakhaw bil inthliar hrang zawnga chetna tha an ti lo tih an tarlang a, sakhaw bing puala candidate siam lo turin political party leh mipuite an ngen.

Central YMA chuan India ram puma entawn tlak Inthlanna felfai leh muanawm tak an neih leh ngei theihna turin thawktute leh mipuite an ngen tih an tarlang a, ram rorelna chu mipui siam a ni a, a mawhphurtu anni tih hriaa khua leh tui dik takte chu vote thlak theuh turin an ngen tih an an tarlang.

Thuchhuah tarlan danin, party tin ten manifesto an chhawpchhuah te a taka tihhlawhtlin theih ngei tur chauh tarlang se an duh a, mitinin an chhia leh tha hriatna thiang leh zalen tak hmanga vote an thlak theih nan sum lehtherhlo dang hmanga vote lei leh hralh chu tih loh nise, social media hrang hrangah thubelhchian dawllo leh finfiahna awm thehdarh loh ni se an ti bawk.an duh bawk.