Tun hnaia Premier League-a chetha em em kum 29 mi Mohamed Salah chuan football a khelh thei chhung chu Liverpool tana khel a duh thu a sawi chhuak.

Egypt forward Salah hian hian kum 2017-a Roma atanga £34 million-a Reds a zawm hnu khan Livepool tan game 214 a khelh tawhah goal 137 zet Reds tan hian a thun tawh. Liverpool-a a contact hi season lehah a tawp tawh dawn a ni.  

Salah chuan Sky sport hnenah,"Keima thutlukna a inhngat chu a ni lova, club thuneitute thu thu chu a ni naa, min rawn a, min zawt a nih chuan ka football career zawng zawng hi Liverpool-a hman zawh vek ka duh," a ti. 

Salah hian a football tan tirh lam chu an ram club, Al Mokawloon-ah a khel thin a, chumi hnuah Liverpool a zawm hma hian Basel, Chelsea, Fiorentina leh Roma ah te a khel kual leh a ni. Zanin hian Liverpool chuan an hmelma hlun Manchester United buzawl an luh chilh dawn a, Premier League match riat khelh-a goal 7 thun a, assist tum 4 nei tawh Salah hian goal thun thei tak maw.