Bollywood superstar Salman Khan chuan thaha vauna email a dawng a, hei vang hian venhimna khauh leh zual zawk pek a ni. Mumbai police te chuan Salman Khan leh a chhungte chu venhimna khauh zawk pek an nih thu an tarlang a, hemi kaihhnawihah hian FIR ziahluh nghal a nih thu an tarlang bawk. 

Salman Khan hian thaha vauna email hi Inrinni khan a dawng a, a thawntute hi gang member Lawrence Bishnoi, Goldy Brar leh an thurualpuite nia hriat a ni. Canadian gangster Goldy Brar chuan Salman Khan hi a mimala biak a duh thu a thawn a, Bishnoi ve thung hi chuan tun hnai khan interview pakhatah Salman Khan thah chu a nuna a thil tum ber pakhat a nih thu a sawi chhuak niin an tarlang. 

Police te chuan Lawrence leh Goldy  te hi an man a, Lawrence hi chu Tihar-ah a tang mek. Lawrence Bishnoi hi Punjabi musician Sidhu Moose Wala thahnaah khan mawhphurtu berah ngaih a ni a, a hnawk sak viau a ni awm e. 

Nikum November thla pawh khan khan Salman Khan leh a pa Salim Khan te chuan thaha vauna an lo dawng tawh bawk a, hei vang hian Maharashtra sorkar chuan venhimna khauh tak Y+ category a lo pek phah tawh nghe nghe a ni.