ZALEN August 29, 2026: Chhandamna Kohhran, Salvation Church Naupang Pawl (SNP) chuan Naktuk ni 30.8.2026 (Pathianni) a dinchampha phak vawi 11-na pual hian vawiin khan Aizawl Area SNP ten Abundant Life Home, Durtlang-ah Free Clinic neiin, damdawi leh thilpek an hlan.

He hun hi chawhma dar 10:30-ah Abundant Life Home, Durtlang-ah hman a ni a, Hunserh tawi hmangin Aizawl Area SNP Chairman R.Lalchhandama'n kaihruaiin Area Vice Chairman Lalzarzovi -in hun serh a hmang. Home Board Chairman Lalruatmawia Zadeng chuan Home-a an rawngbawlna chanchin tawi a sawi a, thawktute inhmelhriattirna leh Chhandamna Kohhran, Salvation Church Naupang Pawl-ten an dinchampha phak puala Home naupangte tana Free Clinic an buatsaih leh thilpek an hlan chu lawmawm a tih thu a sawi.

Specialist Doctor-ten Naupangte dinhmun en in, an mamawh tur damdawi a thawnin an pe nghal a, Buhfai bag 1, Dal Bag 1, Tel Case 1 leh Naupangte tan thingpui leh a hmeh tuihnai tak an siam sak bawk.

SNP Day hi Naktuk Pathianni hian Kohhran tinin an mahni Biak In theuh hmangin, chhun leh zanahte Naupangte tan Programe hlimawm tak siam a ni ang nga, Item chi hrang hrang an nei bawk ang.