Aizawl: Salvation Army, India Eastern Territory tena Centenary lawmna programme an buatsaih pakhat March of Witness February ni 1 atanga neiha kea kalte chuan nimin chawhnu dar 2:20 khan Sawleng an thleng a, Witness of March a kal te hi Northern Division Divisional Commander Maj RD Lalnunthara leh Sawleng Commanding Officer Lieutenent Vanlalhriata, Retired Officer's,leh Sipai member  tha hnem takin an lo hmuak niin Zalen chuan thu a dawng. Zalen thudawn danin Holy Land luh hma hian Centenary March neitute hian lemchan tawi lantirin, Sawleng Lal Thuamluaia’n Aizawl atanga hnawhchhuak tawkte a lo dawnsawn dan chu an lantir a. March of Witness pual bika kharna hun  hi chawhnu dar 3:00-ah Holy Land-ah neih chhunzawm niin he hun hi Major RD Lalnunthara Divisional Commander, Central North Division chuan a kaihruai a, inkhawm tawi neih a nih hnuah rawngbawltu thenkhatin thu an sawi leh bawk.