Aizawl: District Fisheries Development Officer’ district buatsaihin Zirtawpni khan RKVY Scheme hnuaiah sangha khawtute tan Training Hnahlan-ah neih a ni.   Farmers’ Training programme Hnahlan YMA Information Hall-a neih hi Lucy Lalrinpuii District Fisheries Development Officer (DFDO) chuan kaihruaiin, Champhai District chhunga sangha khawitute tan sangha hrisel, mi tin lei phak tur leh ei ngam tur thar chhuah tam a tul tak zet thu a sawi a. Kalkhawmte chu theihtawp chhuaha tang zel tur leh training chhawr tangkaitu nih tum theuh turin a fuih a ni.   Training-ah hian Technical Staff K.Lalrinmawia, Fisheries Extension Officer; Lalchhuan- awma, Fisheries Demonstrator leh Lalmalsawma, Fisheries Demonstrator-ten sangha khawitute hnenah hlawhtling taka Common Carp tuitir dante, nursery, rearing leh stocking pond enkawl dante bakah sangha chaw pek dante an zirtir a ni.   Training-ah hian zawhna chi hrang hrang chhanna leh sawi fiahna hun mi thiamten an nei a, sangha khawituten an hlawkpui hle a ni.