Indian film director lar Sanjay Leela Bhansali chuan film a siam leh dawn a, Bollywood star lar ber berte an inlan dawn. A film hming tur hi tun hnai khan puan a ni a, 'Love & War' tih a ni. 

'Love & War' ah hian - Ranbir Kapoor, Alia Bhatt leh Vicky Kaushal te an inlan dawn a, midang inlan tur an awm nual bawk. A film siamtu tur leh a chungtu turte an hrawl hlawm avang hian boruak a nei lian a, boruak an nei nghal hat - December 25, 2025 ah tihchhuah a ni ang. 

Sanjay Leela Bhansali hian Ranbir Kapoor leh Alia Bhatt te hi a lo thawhpui tawh thin a, Vicky Kaushal nen erawh an vawi khat thawh dunna tur a ni. Kum 60 mi Sanjay Leela leh Ranbir Kapoor (41) te hi kum 15 hnuah an thawk dun leh dawn a ni.

Hetih mek lai hian Bollywood lamin chanchin duhawm lo lam hriat tur an nei a, Hrithik Roshan leh Deepika Padukone te channa 'Fighter' film chu Gulf ram hrang hrangah tihchhuah an khap - UAE-ah chiah tihchhuah an phal. Producer Girish Johar chuan Middle East lama an film tihchhuah an phal loh chhan hi an hriat bik loh thu a sawi a, an ngaihven zui tur thu a tarlang bawk. 

Anil Kapoor, Karan Singh Grover leh Akshay Oberoi te channa film hi India-ah chuan Ningani khan tlangzarh a ni a, an budget pawh cheng tluklehdingawn 2.5 zet a ni.