Aizawl February 23, 2024 : Ni 19.2.2024 (Thawhtanni) khan Judicial Magistrate First Class-II, Aizawl Judicial District chuan Saphu kawr (Pangolin Sales) hmanga dan lova sumdawnna a inhnamhnawih mi pahnih (2) te chu thiamloh a chan tir.

1) David Lalthutiama (56) S/o Lalthanzauva (L) Ainawn Veng, Aizawl leh

2) Lalvarsanga (33) S/o H. Zosiamliana, Sakawrdai, Aizawl District te chu Magistrate hian Rs. 10000 (Cheng singkhat) chawitirin a hrem a, an pawisa chawi tur hi an pe theilo anih chuan ni 90 chhung jail-tang (Simple imprisonment) tur an ni.

Thil sual ti tute hi 15.9.2023 khan EF&CC Department leh Wildlife Crime Control (WCCB) Govt. of India te tangkawpin manin Wildlife (Protection) Act, 1972 hnuaiah thubuai siamsak an ni a, man an nih lai hian hian Saphu kawr Kg. 24.3 an lo kawl a ni. Wildlife (Protection) Act 1972-ah chuan Saphu (Pangolin) hi Schedule 1 ah dah a nih avangin dan lova Saphu kawr hmanga sumdawngte chu Wildlfe (Protection) Act, 1972 Section 51 (1) in a sawi angin kumthum (3) atanga kum sarih (7) thleng Lungin tantir leh Rs. 25,000/- (singhnih) aia tlemlo chawitira hrem tur an ni.

EF&CC chuan Mizoram rohlu ramngaw leh nungchate nasa leh zuala humhalh kawngah leh dan bawhhchetute zawnchhua kawng mipuite thawhpui zel turin an ngen a ni.