Saudi Arabia lamin PSG forward Messi lakluh an tum lo: Balague
Paris St-Germain forward Lionel Messi chu Al Hilal lam atanga sawmna a hmuh loh vangin Saudi Arabia pan a ngaihtuah rih lo niin Spanish football expert Guillem Balague chuan a sawi.

Paris St-Germain forward Lionel Messi chu Al Hilal lam atanga sawmna a hmuh loh vangin Saudi Arabia pan a ngaihtuah rih lo niin Spanish football expert Guillem Balague chuan a sawi.
Report hmasa lama an sawi danin, Argentina international kum 35 mi hi Middle East lamah £245 million hlawh tur a sawm a ni.
He thu leng vak ena hmeh bel theih tak turin Messi hian tun nipui bazar-ah contract a hmang zo tawh dawn a, a elpui Ronaldo aia hlawh tam turin Middle East a pan ve mai rinna a lian hle. Mahse Balague thung chuan, PSG-a cham chhunzawm zel turin inremna siam a hnaih leh tawh niin a sawi thung.
Balague chuan,"Al Hilal lam aṭangin offer a la dawng lo a ni. PSG leh Messi te hian kar leh lam khian an hma hun chungchangah inhmuhkhawmna hun an buatsaih a, Paris lama a awm chhunzawm zel theih dan tur inremna chu tifel an tum dawn a ni," a ti.
Messi hian thla hmasa khan Qatar-ah 1986 hnua a vawi khat nan Argentina chu World Cup nomawi chawi a. Tournament zawhah a ram tana khelh chhunzawm zel a tum thu a sawi bawk. Balague chuan Europe-ah pawh tam zawk champion a la tum thu a sawi bawk.
Balague chuan,"Tun dinhmuna a duhthlan hmasa ber chu Europe-a awm rih a ni. Ballon d'Or chawi turin beisei a nei sang rih hle a, Champions League lamah beisei a la nei bawk a, World Cup hial chawi tawh mah se thil tum lian tak a la nei a ni," a ti.
Messi hian kum 2021 khan Barcelona atangin PSG a zawm a, Ligue 1 tan hian match 54 khelin goal 24 a khung tawh.
Latest News
-
Police-in lie detector report zirchianna ngaichang mek
2m | Jan 29, 2023 -
February 8-ah Dy. Speaker thlang dawn
1m | Jan 29, 2023 -
CM leh G20 Chief Coordinator Harsh Vardhan ten G20 thlen dan tur sawi
2m | Jan 29, 2023 -
Airtel leh Reliance Jio ten 5G pek thuai an tum
2m | Jan 29, 2023 -
Thalaite hi kan ram leh hnam hmalam hun neitute in ni -Rindika
1m | Jan 29, 2023 -
India-in Ladakh-ah China nena nasa zawka inep ring
3m | Jan 29, 2023