October 30, 2023; ASEP chuan thuchhuah siamin, pem kual thin Sava, Mizoram a cham mekte laka zahna lantir a humhalh turin mitin an ngen.

Thuchhuah an siam a an tarlan danin, thlasik rim a lo nam leh ta a, thlasika lo haw khawm thin savate kan ramah an lo haw khawm ve leh ta mek a, pem kual thin sava thenkhatten an zin kawng an zawhnaah hun eng emaw chhung cham nan Mizoram hi an hmang ve thin bawk.

"Heng nungcha duhawm takte hi kan ram an cham chhungin khual tha thlenin lo mikhual ila. An tan Mizoram hi thlanmualah chang lo se, mikhualte chunga ṭhat chhuah thin hnam kan nihna hi heng nungcha duhawm takte lakah pawh hian i lan tir fo thin ang u," tiin an tarlang bawk.