ZALEN October 16, 2025: Agriculture minister-in Sawhthing leina sum cheng 4/5 vel a chingpen nia a sawi, tualchhung chanchinbu leh social media a lang chungchangah Vanramchhuangi (Ruatfela Nu) chuan vawiin khan Officer Incharge, Amti Corruption Bureau (ACB), Aizawl-ah FIR a thehlut.

FIR-ah hian Ruatfela Nu chuan Agriculture minister sawi atang hian sawhthing leina sum cheng vaibelchhe 4/5 vel chingpen a awm ngei tih a chiang a, Sawhthing leiah buaina dang pawh a awm a ; Burma sawhthing la lut a, tualchhung thar anga sawrkarin Mizoram kuthnathawktute sawhthing thar a leisak zinga hralh tura lo commission an awm tih pawh a sawi chiang bawk, a ti.

Mipui sum chingpen hi cheng vaibelchhe 4/5 vel zet a ni tih pawh a sawi chiang a ni. Hei hi thil serious tawpkhawk a nih avangin mipui sum tam tak ti chingpentu chu tute pawh ni se ; Dan anga chhui a, a phutawk hremna an hmuh ngei theih nan FIR hi thehlut a nih thu a tarlang a ni.

Sate chhunga mipui sum tichingpena eirukna lian tak thleng, minister meuhin media kal tlanga a puanzar vawiin thleng chhui zui a ni lo a, mipui sum ti chingpentute criminal case siam sak an la awm lo chu thil zahthlak tawpkhawk leh state mualphona vawrtawp nia a hriat thu a tarlang bawk.