ZALEN May 14, 2026: Chief Minister Lalduhoma leh DoNER Minister Jyotiraditya Scindia te chuan nimin tlai khan online-in Mizoram Ginger Unique Selling Proposition Project, Vaibelchhe 189.78 senna tur - Sustainable Ginger Cultivation & Value Chain Development Project an hawng a. Post-Harvest Management & Processing a hman tur chu sanction nghal a ni.

He project-a Sustainable Cultivation, Farm Mechanization leh a dangte hi Ministry dangte nena thawkho (Convergence) a kalpui tur a ni a, Post-Harvest Management & Processing erawh hi chu NEC (Focussed Development Component) Fund atanga thawh tur a tih a ni a. A thawh nan Rs. 30.13 Crore chheh hran a ni.

Project hawnna inkhawm neih zawh veleh hian Ministry of DoNER chuan he sum Vaibelchhe 30.13 hi NEC ah hian a sanction fel nghal a ni.

Rahman danah chuan a process-na hmunpui ber (Main Hub) hi Mualkawi, Champhai District-ah din a ni ang a. A chawmtu turin a chhehvel khaw pathum Tualcheng, Vaphai leh Zotlangah unit tenau zawk (Spoke hub) din a ni ang. Kuminah hnathawh tur tul thawh zawh a, nakkum Sawhthing tharchhuah sawngbawl hman tum a ni.

Rang taka pawisa an rawn sanction avang hian Chief Minister Lalduhoma chuan Minister of DoNER chungah lawmthu a sawi a ni.