Hun eng emaw chen US-ah a thang hnuin Mizoramah a rawn kir leh tawh a, election neih hma khan campaign-naah a zai leh nual hman. Sawmtea Chhangte hi khaw hrang hrang 20 chuang leh Aizawl khawpui chhung hmun 10 velah a zai a ni. 

Sawmtea Chhangte hi US-ah kar 22 vel zet a zuk cham a, state 20 chuangah zaiin a kal kual a ni. Biak In 40 chuangah zaia rawngbawlna a nei hman a, hmun danga a zaina te nen chuan tum 80 vel zet a zuk zai hman a ni. Ama pualin concert tum li (4) a nei bawk a, hun hlawk leh hlimawm tak a zuk hmang a ni. 

Mizoram a lo let leh hnuah pawh zaiin a feh chhuak leh nghal har char a, hmun 30 chuangah a zai leh a ni. ZPM programme-ah a zai zing ber a, MNF leh Congress campaigner ten an hruai kual nual bawk. Sawmtea chuan, "Party duhsak bik ka nei lo a, min sawmna a piangah ka zai tawp mai a ni," tiin ZALEN zawhna a chhang a ni.