Mizo ten zaithiam kan neih that berte zinga mi, USA-a thang mek Sawmtea Chhangte chuan music video thar a peih fel leh ta, ngaihthlak a man hlain, mit leh beng a tlai khawp mai.

A music video thar hi 'Kan chawimawi che' tih a ni a, he hla hi Zohmaa Jahau phuah a ni. Video mawi leh hmuh nuam tak hi Chicago khawpui-ah shoot niin, zan lama khawpui building eng mawi tak takte chuan mit a titlaiin a tihmuhnawm zual hle. Sawmtea hla thar hi MDM Library-ah dahluh niin, YouTube leh Cable TV lamah en theihin a awm thuai dawn e. 

Sawmtea Chhangte hi tunah hian USA-ah a la cham mek a, zai tura sawmtu pawh a ngah hle. Zohnahthlak unau ten hmun hrang hrangah zai turin an sawm kual a, US a thlen tirh atangin kar khat mah awl loin zaiin hun a hmang mek a ni. State hrang hrangah a zaikual a, zai hmabak a la neih zingah September 30-a International Festival 'Bowling Green' a a zai tur pawh a tel - engtik nge a lo haw dawn a la sawi mai thei lo bawk.