Aizawl: Aizawl district ah sawrkar hnathawk 32,397 awmin heng zinga 21,988 (67.87%0 chu mipa an ni a, hmeichhia 10,409 (32.13%) an awm bawk. Zirtawpni a tlangzarh tak 'Census of Govt. Employees & Workers, Aizawl District 2015' a tarlan danin sawrkar hnathawk zingah hian group 'C' tam berin 10,253 (31.65%) an awm a, mi 4 awmna Officiating chu an tlem ber thung. Sawrkar hnathawk zinga 23,405 (72.24%) te hi non plan hnuaia hlawh la an ni a, 7438 (22.96%) chu plan hnuaia hlawh la niin 1554 (4.80%) ten CSS hnuaiah hlawh an la bawk nia tarlan a ni. Aizawl district a sawrkar hnathawk zingah hian Kristian sakhaw betu tam berin 31,446 (97.06%) an awm a, Hindu 767 (2.37%) in dawtin Muslim/Islam 145 (0.45%) chu pathumna an ni a, Buddhism zuitu mi 30 (0.09%) leh sakhaw dang zuitu 9 (0.03%) an awm bawk. Department zingah hian Police chu thawktu ngah ber niin 5,796 (17.89%) an awm a, Bangalore Mizoram house ah thawktu tlem berin 4 (0.01%) chauh an awm bawk a ni. &&&&&&&