Aizawl: Chief Secretary Lalmalsawma chuan, "Sawrkar hnathawkte chu tanrual a, thlahthlam leh thlauhthlak bik an awm a thiang lo a ni," a ti. Zirtawpni khan CS hian Champhai tlawhin I&PR Auditorium, CHANEM building ah sawrkar hnathawk hrang hrangte a kawm a. Department hrang hrangten an hmalak dan tlangpui,an hlawhtlinna leh harsatna tawhte an tarlang a. Kelkanga tui harsatna chungchang te, District Hospital-a doctor indaih lohnate, Inbiak pawhna kawnga Champhai District in harsatna a tawh dante, kawlphetha lakluh kawnga an harsatna te leh thil dang dang te a ni a. Chief Secretary hian a theih chinah chinfel ngei anihna tura hmalak zui anih tur thu a sawi a ni. Inkawmhona hi Champhai DC H.Lalengmawia chuan a kaihruai a ni.