March 5, 2023; Naktuk March ni 6, 2023 atanga sawrkar hnathawk ten DA tihpun leh a hun taka hlawh lak ngiat a 'nawrh' an tum chu, chief minister leh  FMGE&W hruaitute an inbiak hnuah an thulh.

FEDERATION OF MIZORAM GOVERNMENT EMPLOYEES & WORKERS
GENERAL HEADQUARTERS, AIZAWL MIZORAM
No.59/FMGE&W(SG)/2021-2023  Dated Aizawl the 4th March, 2023.
 
To
        The President/Secretary
        All affiliated Association.

Subject :    Peaceful Demonstration chungchanga Executive Committee thu hriattirna

Thawhpui duhtak,
        FMGE&W General Headquarters chuan in Association chibai kan buk a, Peaceful Demonstration nei tura kan hmalakna bawhzui kawngah Affiliated Association zawng zawngte lungrualna leh inpekna avangin lawmthu kan sawi mawlh mawlh a ni.
        Dt. 4.3.2023 (Inrinni) chawhma dar 10:30 khan Mizoram Chief Minister Zahawmtak Office-ah Sawrkar hotute leh FMGE&W hruaitute inkawmna hun tha tak neih a ni a, Sawrkar houtute - Chief Minister, Dy. Chief Minister, Principal Secretary Finance Department te leh FMGE&W hruaitute inkawmin Sawrkar hotute chuan hetiang hian rawtna leh ngenna an nei a ;
1)    Dearness Allowance rate hi 1.4.2023 atangin 3%-a tipungin 31% a ni ang a, July 2023-ah sawiho leh a ni ang.
2)    Sawrkar hnathawkte hlawh hi a hun takah (thlatirah) pek zel tumin theihtawpin Sawrkarin tan a la zel ang.
3)    62 yrs retiring age kan dilna chungchang chu Chief Minister Zahawm takin Cabinet Minister-te a thuphungin (informal) a lo sawipui tawh thu sawiin, Chief Minister vek chuan hun remchang hmasa berah DP&AR bultumin FMGE&W te, Finance Department te, Zirlai Pawl te leh NGO hrang hrang te nen inrawnkhawmna siam a rawt nghal a ni.
4)    Sawrkarin hetianga FMGE&W ngenna hrang hrangte a theih anga a ngaihtuahsak avangin FMGE&W ten March ni 6 atanga Peaceful Demonstration neih an tum chu thulh hram turin Sawrkar chuan a ngen a ni

Sawrkar ngenna hi ngaihtuah nghal a tul avangin chawpchilh takin FMGE&W Executive Committee Emergent Meeting chu ni 4.3.2023 chawhnu dar 3:00 ah koh nghal a ni a, Executive Committee chuan Sawrkar ngenna chu ngun takin a ngaihtuah a, hetiang hian a rel a:
1)    Hlawh a hun taka pe zel tura Sawrkar hotuten theihtawpa tanlak zel an tum chu a lawmawm kan ti.
2)    62 yrs retiring age chungchanga Chief Minister Zahawm takin inrawnkhawmna neih a rawt chu tha kan tiin kan pawm
3)    DA pung 3% wef 1.4.2023 (ie 31%) erawh chu kan beisei a phak loh avangin leh, Central rate kan phaklohna a tam tawh avangin kan memberten an pawm dam thei dawn lovin kan hria a, Chief Minister hnenah a rang thei ang berin thlen leh nghal nise kan ti.
Meeting lai la la hian Chief Minister hmu leh nghal turin hma lak nghal a ni a, kan hruaituten zan dar 7:15 ah Chief Minister hi an han hmu leh nghal a. Chief Minister chuan DA 3% pawh sum harsa tak chungin, Finance Deparment hotute phei chuan harsa an tih chung chunga pek a nih thu a lo sawi nawn a, amaherawhchu Sawrkar hnathawkten ngenngawl taka kan ngenna avang chuan, Finance hotute leh a Cabinet hote pawh rawn lovin, DA pung 1% (a hmaa mi nen 4%) wef 1.4.2023 chu pek min remtih sak leh ta a ni.
    Chief Minister hmu tura kalte an lo haw hnu hian Meeting chhunzawm leh nghal a ni a, hetiang hian FMGE&W Executive Committee chuan thutlukna a siam ta a ni.
    “Sum harsa tak chunga Sawrkarin hlawh a hun taka min pe tura theihtawp chhuaha tanlak zel a tum hi lawmawm kan ti a, DA pung 4% wef 1.4.2023 min phalsak pawh hi kan duhthusam ni lo mah se, Sawrkarin theihtawp a chhuah takzet niin kan ngai a. July 2023-a hemi chungchang sawiho leh hun atan beiseina sang tak nei chungin, March 6 & 7, 9 & 10 chhunga Peaceful Demonstration neih kan tum chu thulh lailawk phawt mai ni se kan ti.
    Tin, 62 yrs retiring age kan dilna chungchangah pawh hmasawnna tha zawk kan neih zel kan beisei tlat bawk a ni”
 
 
  Sd/- 
                                (J RAMDINMAWIA)
                                Secretary General