ZALEN May 29, 2026 : Mizoram chhunga Passenger phur chi lirthei-a chuang thin te'n Sawrkar approved rate diktak an chawi theihna atan Mizotaxi mobile app an siam.

Secretary State Transport Authority Mizoram chuan thuchhuah siamin Mizotaxi' app hi Aizawl khawpui chhungah bul tan phawt tur a nih thu leh July ni 1, 2026 atanga hman tan tur a nih thu an tarlang.

Aizawl khawpui chhunga service lai 4-wheeler taxi te, 2-wheeler taxi leh Autorickshaw zawng zawng te chu June 2026 chhungin Mizotaxi Office, DTO(L.A) Office hnuai, Transport Complex, Chaltlangah registration ti turin hriattirna an chhuah.

June 2026 chhunga in register te tan registration fee hi kumkhatah Rs 600/- only (Rs.50/month) a ni ang a, hemi hnulama in register te chu Rs 1000/- an pek a ngai tawh ang an ti.

Mizotaxi application hi playstore/appstore ah download theih turin dahfel a ni tawh a, a hman tan theih hun chu July ni 1, 2026 aṭangin a ni ang.