Sawrkar sikul ten lehkhabu la dawng kim lo || Private school te tan pawh lehkhabu lei tur awm lo tam
Aizawl April 17, 2023 : Aam Admi Party zirlai pawl Chatr-Yuva Sangharsh Samiti (CYSS) te chuan Mizoram sawrkarin Zirna In an ngaihsak lo hle an ti a, tun thlenga sawrkar sikul, pawl 8 hnuailam ten zirlaibu an la dawng kim lo leh lei tur awm lo chu tha lo an tih thu an sawi.
AAP zirlai pawl te chuan 2023-24 Academic session April 5, 2023-a tan a nih tawh laiin April 17-ah pawh sawrkar sikul naupang tam zawkin zirlaibu an la dawng loh piah lamah lei tur pawh a awm lo, an ti a, kum kalta pawh khan zirlaiten hetiang chiah hian harsatna an tawk tawh tih an sawi.
Sawrkarin lehkhabu a la neih kim lova an sawi te chu : Class II - Engleish & Mathematics ; Class III - Hindi, EVS & English ; Class IV - Hindi, EVS & English ; Class V - Hindi, EVS & English ; Class VI - Hindi, SS (kim lo) & English ; Class VII - Hindi, SS & English leh Class VIII - Hindi, an ti a, sikul hrang hrangah lehkhabu dawn chen a inang lo niin an sawi bawk.
CYSS te chuan, "Sawrlar hian naupang zir tur lehkhabu leh mamawh pawh a peih hma a sikul tan hun a zawk zawk a, hei hian zirlaite leh zirna a ngaihsak loh zia leh an hmakhua a ngaih loh zia a tilang chiang hle a ni," an ti. "Sawrkarin zirtirtute training a pe tha lo a, an zirna puitu tur hmanrua pawh a pe tha lo a, khawi hmunah pawh hian zirna in chhia leh kalphung tha lo chu sawrkar school a ni vek," an ti bawk.
AAP Zirlai pawl CYSS chuan, Sawrkar tha chuan zirna a ngaipawimawh thin a, chuvangin Mizoram sawrkar hian kan zirlai puite mamawh a rang lama pe turin kan phut an ti a, an ngaihtuahpui lo a nih chuan na taka hmalak chhunzawm an tum thu an sawi bawk.
Latest News & Chhiar Hlawh
-
1m | Oct 18, 2024
-
2m | Oct 17, 2024
-
2m | Oct 17, 2024
-
1m | Oct 17, 2024
-
2m | Oct 17, 2024
-
1m | Oct 17, 2024
-
1m | Oct 17, 2024
-
3m | Oct 16, 2024
-
2m | Oct 16, 2024
-
2m | Oct 16, 2024
-
1m | Oct 16, 2024
-
1m | Oct 16, 2024
-
1m | Oct 16, 2024
-
1m | Oct 15, 2024
-
1m | Oct 15, 2024
-
1m | Oct 15, 2024
-
1m | Oct 15, 2024
-
2m | Oct 14, 2024
-
1m | Oct 14, 2024
-
1m | Oct 14, 2024