Aizawl March 10, 2023: Vawiin khan BJP Mizoram Pradesh Friday Political Session chu BJP State Office, Mipui Rûn ah neih a ni a, hun hmangtu BJP State President Vanlalhmuaka chuan, "BJP hi Mizorama kan din chhan chu Mizoram ah Development tluantling Mizorama Sawrkar tawh te'n an la tih ve ngailoh hmasawnna thlen tir hi kan tum a ni.Party dang zawng zawngin an tih theihloh leh tih pawh an duh loh Mirethei khaichhuah hi BJP Mizorama kan din chhan a ni," a ti.

Hmuaka chuan, "Tun thla tawpah Lunglei Municipal Council thlanna a awm dawn a, CADC inthlan kan hmachhawn dawn bawk a, chuvangin heng inthlan ah hian Mizorama Sawrkar tawh kan hmuh mipui tana chhenfakawm taka an chetna erawh hmuh tur awm lo te chu a phur phur ah an tang a, mipui te'n fiahna kan hmachhawn dawn a ni. BJP chuan India ramah Kum 2014 atangin Sawrkarna kan siam a, India ram chu Khawvel hriat ah sang takah siam a ni tawh a, BJP Sawrkarna State ah pawh Development nasa takin a thleng bawk a ni. Chuvangin Mizoram mipuite hian kan hlauh loh tur kan hlau a, kan hlauh tur tak Pathian kan hlauh leh si loh avangin kan State chu State hnufual berah a awm phah ta a nih hi," a ti. 

BJP State President chuan, "2023-ah Mizoram ah inthlan kan hmachhawn tur LMC, CADC leh MLA General Election lo awm tur ah hian, Party hrang hrangin hmasawnna kan zuar vek a, nimahsela a tak taka development thlen tir theitu tur erawh chuan central nena inzawm a pawimawh avang leh Party dang zawng zawng pawhin an thusawia an innghahna ber central tha chakna a nih avangin BJP kan vote hian Development kan Vote a ni tih hria a, BJP Vote turin Mipuite ka sawm che u a ni," a ti.