ZALEN Sept. 18, 2025 : CSS hnuaia hnathawk lungawilohna lantir mekte chu vawiin hian Youth Recreartion centre ah sawrkar thu ngaichangin an pungkhawm dawn.

Nizan khan AMCECC Hqrs chuan an member te hriattirna an siam a, chutah chuan sawrkar laka lungawi lohna an lan tir mek ah sawrkar nen indawrna mumal tak tun thlengin an la neilo nia sawiin, memberte tanrualna leh inpekna avangin lawmthu an sawi a, Memberte chungah engpawh thleng se theihtawpin AMCECC chuan hma ala zel dawn tih an tarlang.

Sept 18, 2025 (Ningani) hian Chief Minister hovin Official lamin meeting an nei dawn nia report an dawn thu tarlangin an duh ang ngeia thu an rel theihna turin member zawng zawngte tawngtaina a hre tur in an ngen a. Sawrkar thuchhuak ngaichang turin AMCECC member zawng zawng, Aizawl City area-a awm te chu vawiin chawhma dar 11-ah Youth Recreation Centre (YRC), Falkland ah kalkhawm turin an inhriattir a. Sub Headquarters lam pawh ruahmanna siam a, pun khawm lo huaihawt vek turin an inhriattir a ni.

#ZalenNews