ZALEN August 31, 2026 : Hlimen Local Council leh All NGO chuan thuchhuah siamin, Lalsavunga Park enkawl a nih dan chungchangah sawrkara an thil phutte a hlawhtlin tak loh avangin an lo rel tawh angin naktuk September 1, 2026 atangin Lalsavunga Park chu tlawh theih lohin an dang dawn tih mipuite an hriattir.

Lalsavunga Park enkawl dan chungchanga an lungawi lohna chu August 11, 2026 ah khan press release chhuahin an lo tarlang tawh a, Hlimen Local Council leh All NGO chuan, "Kha kan thuchhuah ang khan Thawhlehni atang hian Lalsavunga Park hi tiam chin awm loin kan dang dawn a ni," an ti.

Hlimen Local Council leh All NGO te chuan Lalsavunga Park enkawltu contractor chu a contract cancel ngei ni rawh se tih chu an khawtlang hruaitute leh mipuite duh dan a la ni reng tih sawiin, khawtlang mipuite leh park tlawh tumtute hriatthiamna an dil a ni.