ZALEN September 29, 2025 : Fisheries Department chuan Mizoram lui dungah sangha fuan hun a lo thleng leh dawn a, lui dung nungchate an lo pun zel theihna turin leh Nghafuan hun laia him taka an inthlahpun theihna turin Mizoram Fisheries Act, 2002 Section 5(1) leh (2) behchhanin khapna a tichhuak.

Mizoram Sawrkar chuan lui dung nungcha man khapna hun (Closed Season) a puang a. Hemi hun chhung hian a hnuaia tarlan ang hian sangha leh lui dung nungchate man, tihhlum, an nunphung tihbuai te khap tlat a ni:-

1. Closed Season hun chhung   - 10th October-30th November, 2025

2. Khapnain a huam chin   -   Mizoram chhunga Lui leh Luite zawng zawng (Autonomous District Council Areas huam tel lovin.)

3. Mizoram Fisheries Act, 2002 Section 5(4) hmanga khapna dan bawhchhiate hrem theihna   -   Thla khat (1)chhung Lung in tan, thla thum(3) chhung pawhsei theih emaw Rs. 5000/-chawitir emaw; a pahnih(2)-in emaw. hrem theih a ni.