ZALEN Sept. 25, 2025 : Mamit District chhunga khaw hrang hrang 34 velah rawthing tam vangin sazu a puang mek a, sazu te suat turin District Agriculture Department Mamit chuan nasatakin hma an la chho mek.

District Agriculture Officer Ngurrinsanga Sailo chuan sazu puang hi tlangram lo neihna zelah puangin leilet buhte chu sazu hian a khawih hriat ala ni rihlo tiin, department chuan chhawm dawlna a pe theilo va, chutih laiin DC lamah an thlen turthu a sawi.

Kawrtethawveng blockah khaw khaw riat (8) W. Phaileng Blockah khaw 12 leh, Reiek Block ah khaw 14 ah loneitute buh hi sazu hian a ei chhiat sak a, buh ṭin 250-300 hmun chuang a ei chhiat sak thu leh sazu tur pawh kg 20 an sem ral tawh thu a sawi bawk.

District agriculture thawkten sazu suatna turin theih tawp chhuahin khaw hrang hrangah kalin an lo hmun ngeiah sazu tur hman dan leh hrai dan an zirtir a ni.